NB! Work in progress - bloggen endrar seg og veks seg til smått om senn.... Takk for at du tek turen innom!

lørdag 15. januar 2011

God planlegging er halve måltidet!

I dag har eg brukt morgontimane til å tenkje ut kva vi skal ete i helga. Denne helga er det ingenting særskilt vi skal, så eg kan med glede bruke tida mi på kjøkkenet og lage god mat til familien!

planlegging1

Eg har kosa meg med god frukost og “Familiekokeboka” (som eg kjem til å presentere ved seinare høve). Her i huset er det kylling som er vår kjøtpreferanse, og eg har funne fram til to saftige og gode kyllingrettar som vi skal prøve i helga.

planlegging

For å vere sikker på at retten blir vellukka og sjølve måltidet blir ei feststund, kan det vere lurt å planlegge godt:

  • ta med deg eit utval kokebøker og set deg godt til rette.
  • tenk ut kva slags hovudingrediens du vil bruke (t.d. kylling) og leit fram oppskriftene som inneheld dette. Nokre kokebøker har stikkordsliste for ingrediensar slik at du lett kan finne fram til oppskriftene som inneheld det du ynskjer.
  • tenk over kor mykje tid du har til matlaging og finn oppskrifter som passar inn i tidsskjemaet ditt.
  • skriv ned alt du treng å handle inn. Sjekk i skapa dine kva du har og ikkje har. Nokre ingrediensar kan det vere lurt å handle inn litt meir av enn det oppskrifta seier, t.d. frukt og grønsaker.
  • planlegg kva tilbehør du ynskjer og kva du treng for å lage det.
  • dersom du lagar retten for fyrste gong, kan det kanskje vere ein idè å ha noko anna på lur dersom t.d. ungane absolutt ikkje skulle like det du lagar.

Mandfolk er forfærdelig hyggelige naar de får god mat. Jeg faar nok for alvor slaa mig på kokkeriet.””

- Hulda Garborg -

Kva står på menyen heime hos deg i dag?

2 kommentarer:

  1. Kunne ønske jeg var så strukturert!!
    Her går det mye etter innfallsmetoden....i dag skal far i huset ut med jobben så Ida og jeg skal kose oss med quiche lorraine. Ole på ni ønsker seg pizza fra pizzabakeren så det skal han få;)
    Søndagsmiddagen henger litt i det blå enda, men satser på at det blir laks i en eller annen variant.

    SvarSlett
  2. Her står ingenting på menyen frå mitt kjøkken i dag - men mat blir det..... Er nemleg så heldig å vere invitert bort på vennemiddag i kveld - og har fått nyss i at det står tiur på menyen.....Livet er godt:-))

    SvarSlett