NB! Work in progress - bloggen endrar seg og veks seg til smått om senn.... Takk for at du tek turen innom!

lørdag 12. februar 2011

Smørdampa kveite med bruna løksmør og ertepurè!

Når det gjeld kveite har eg vore veldig tradisjonell kvar gong eg har laga det. Eg har stort sett trekt den i vatn med salt, pepar og laurbærblad, sett den kaldt og servert den kald dagen etterpå. Etter å ha surfa litt på bloggen til Margit Vea fann eg oppskrifta på verdens beste kveitemiddag! Her har du oppskrifta!

kveite

Dette treng du:

200 kveitefilet

3 dl vantn

1 Kvast(er) frisk rosmarin

(eg droppa den)

300 g meierismør

Bruna løksmør:

1 løk

1/2 ts salt

1 ss olje

100 g smør

Del kveitefileten i porsjonsstykker.

Kutt smøret i terningar.

Kok opp vatn, litt salt og rosmarin. Trekk kjelen litt til side. Det må ikkje koke for mykje, då har “sausen” lett for å sprekke.

Rør inn litt og litt av smørterningane. Rør heile tida medan du tilsett meir og meir smør. Når det har vorte ei jamn og fin masse legg du fiskestykka ned i kjelen.

La fisken trekke i smørvannet. Trekketida varierer med storleiken på fiskesytkka. Mine trekte mellom 5 og 10 minutt.

Slik lagar du bruna løksmør:

Skrell og skjær løk i tynne strimlar.

Ha olje i ei panne og brun løken på svak varme.

Tilsett saltet, dette gjer at løken slepp litt av væska. Då blir løken karamellisert.

Mot slutten av steiktida har du i smøret. La smøret steike litt med.

kveite1

Dette treng du for å lage grøn ertepurè:

350 g grøne erter, frosne

1 l vann

3 ss salt

4 ss kraft

50 g meierismør

salt og pepar

Slik gjer du det:

Kok opp vatn og salt. Ha i ertene og kok dei i ca. 5-6 min. Sil av kokevantnet. Tilsett litt av kokevatnet frå fisken i erteblandinga. Køyr dette saman med ein stavmiksar. Tilsett smør og køyr litt til.

Smak til med salt og pepar.

Server den nydelege retten på tallerkenar. Start med å legge ertepureén nederst, legg fiskestykket opp på og dander med løksmøret rundt. Pynt med friske urter. Dampa poteter og gulrot er eit naturleg tilbehør!

kveite2

Sitroniskake med jordbærsaus, a’la Trine

Har du lyst å imponere ei mamma med ei nydeleg kake i morgon? Eller kanskje du berre vil lage litt kake til deg sjølv? Forrige helg laga eg ei sitroniskake som eg fann på den fantastiske bloggen til Trine. Kaka er syrleg og god, medan den heimelaga jordbærsausen bidreg med det søte! Det er ein utruleg vakker ingrediens som absolutt hevar jordbærsausen, nemleg stjerneanis!

sitroniskake

Dette treng du til isen:

3,5 dl creme fraiche

2 eggeplommer

1 ts vaniljesukker

1 sitron, saft og skall

2 eggekvitar

1 dl melis

 

Dette treng du til botnen:

Ca 3 dl smuler av søt kjeks(feks Bix-it)

Du treng også eit kakefat og ringen til ei kakeform på 24 cm i diameter. Set ringen ned på kakefatet og strø i dei knuste kjeksa. Du treng ikkje smør.

 

Slik lagar du isen:

Visp creme fraiche stiv. Visp saman eggeplommene med vaniljesukker og bland inn stivpiska creme fraiche med ein slikkepott. Tilsett sitronsaft og rive sitronskall.

Visp eggekvitene stive med melis (erfaringsmessig lønner det seg å vispe eggekvitane litt før du har i melisen). Ta den piska eggekviten og skjær den inn i kremen du har laga av creme fraiche. 

Fordel ismassen forsiktig over kjekssmulane. La isen stivne i frysaren. Det beste er om du lagar den dagen før du skal servere den. Når du skal servere iskaka bør du ta den ut av frysaren 30-45 minutt før servering. Pynt gjerne iskaka med litt strimla sitronskal og sitronmelisse eller mynte før servering.

sitroniskake1

Same dag som du skal servere kaka lagar du den fantastiske jordbærsausen.

Dette treng du til sausen:

300 gram friske eller frosne jordbær

ca 1 dl vann

ca 75 gram sukker

2 stjerneanis

saft av 1/2 sitron

Slik lagar du sausen:

Lag sukkerlake av vatn, sukker og stjerneanis, og sett til avkjøling. Ha jordbær og sitronsaft i ein foodprosessor eller ei smoothiesmaskin. Ta stjerneanisen ut av sukkerlaken før du slår den over bæra. Bland det heile til ein jamn saus. Dersom du brukar smoothiesmaskin og frosne bær må du gjere dette i litt fleire etappar, då den frosne bæra kan vere vanskeleg å knuse for maskina. Når all bæra er knust og sausen er jamn og fin, slår du den i ein fin mugge og set den i kjøleskapet til du skal servere. Både sausen og kaka er haldbar i hhv kjøleskap og frysar i ca en veke.

sitroniskake2

Du vil verte overraska over den fantastiske smaken stjerneanis set på sausen! Gjestane dine vil bli sittande å smatte på sausen og leite etter ingrediensen som set prikken over i’en! Når du tek stjerneanisen ut av sukkerlaken kan du godt legge den til side på eit t-fat. Den passar supert til å pynte kaka med! Som du ser av biletet er den blank og glasert av sukkert. Den vil halde seg så fin i dagesvis!

Dette er ei super morsdagskake!

PS! Seinare i dag kjem det ei oppskrift på verdens beste fiskemiddag! Den høver godt som morsdagsmiddag. Dersom du vil lage denne middagen må du passe på å ha kveite i hus! Smørdampa kveit får du altså oppskrift på seinare i dag!

søndag 6. februar 2011

Sytalaus sitronkylling!

På Sunnmøre har vi eit uttrykk som heiter “sytalaust”. Vi brukar det om noko vi ikkje treng å bekymre oss så mykje for, eller bruke for mykje energi på. Sytalaus kylling er difor middagsrett du ikkje treng å jobbe så mykje med og som ikkje krev så mykje arbeid.

Lemon chicken vert laga mange stadar i verda, men for meg er den retten noko eg forbind med USA. Då eg jobbe i Carlifornia hadde vi ofte lemon chicken til middag eller vi bestilte det på restaurant når vi var ute og åt. Min variant i dag er inspirert av ei oppskrift i “Familiekokeboka”, som eg presenterte i eit anna innlegg (du kan lese om kokeboka her).

kylling

Hovudingrediensen i denne retten er sjølvsagt kylling, men eg tør å påstå at det er sitronen som spelar hovudrolla!

For å lage retten treng du:

♥ 4-6 kyllingfiletar eller ein rå kylling som du deler i høvelege bitar

♥ 2 sitron

♥ salt og pepar

♥ 2 ss sirup

♥ olivenolje til å smøre forma

♥ ei eldfast form

♥ sitronpresse

 

Slik gjer du det:

Set omnen på 200 grader. Smør ei eldfast form med olivenolje. Krydre begge sider av kyllingfilètane med salt og pepar. Eg brukte sitronpepar. Set forma i omnen og la kyllingen steikje i 30 minutt.

Medan kyllingen steikjer raspar du skalet av dei to sitronane. Deretter skvisar du all safta ut av sitronane. Ha skal og saft i ein liten bolle og tilsett sirupen. Rør godt og la stå til kyllingen har steikt ferdig.

Etter 30 minutt tek du ut kyllingen og auser sitron/sirup-blandinga over filètane. Set tilbake i omnen og steik 10-15 minutt til. Du kan opne ovnsdøra nokre gongar og ause krafta over kyllingen.

kylling1

Kyllingen er så utruleg smakfull at du ikkje treng så krevjande tilbehør. Lag ein enkel, men raus tomatsalat til denne retten. Då treng du:

♥ Tomatar som du kan skjære i små bitar

♥ Agurk i terningar

♥ Paprika i bitar

♥ Raud løk i små bitar

♥ Marinerte kvitløksbåtar

♥ Litt olivenolje og balsamicoeddik (du kan gjerne bruke oljen som kvitløksbåtane ligg i)

Tilsett litt salt (gjerne Maldonsalt) og ein liiita klype sukker.

Retten smakar godt med ris eller couscous til.

kylling2

Eg har erfart at det ikkje er alle som likar så godt det raspa sitronskalet som ligg på toppen av kyllingen. Det kan kvar einskild sjølvsagt skrape av, eller så treng du ikkje å bruke så mykje skal i blandinga.

PS! Den herlege mixen av sitronsaft, sitronskal og sirup smakar nyyydeleg på vaniljeis! Pass då på at du ikkje brukar altfor mykje sitronsaft slik at det vert altfor rennannde. Legg vaniljeis i ei skål, strø over ferske jordbær og slå over litt av sitronblandinga. Då har du ein super dessert!

fredag 4. februar 2011

Kjøtdeig og pasta i form.

I dag vil eg dele ei enkel og grei oppskrift som høver seg godt som helgakos. Nokre oppskrifter er så enkle at dei lette å spreie på folkemunne. Eg fekk oppskrifta med ein god kollega, som fekk den med frisøren sin, som fekk den med…… – ja, du skjønar!

Til seks personar treng du:

2 pakkar kjøtdeig el karbonadedeig

Bandspaghetti (så mykje som du trur du treng)

1 beger krydderost

Krydder etter eige ynskje (det kan godt vere tacokrydder)

Raspa kvitost

Ingrediensar til ein raus og god salat

kjøtdeig

Slik gjer du det:

Kok spaghettien, sil av vatnet, ha spaghettien tilbake i panna og legg over kremosten. La den ligge der og smelte.

Så steikjer du kjøtdeigen og smakar til med krydder etter eige ynskje.

kjøtdeig1

Legg spaghettien i botnen på ei eldfast form, slå kjøtdeigblandinga over og strø ost på toppen. Kvern over litt pepar.

Steik i ovnene på 200 grader i omlag 20 minutt. Sjekk med jamne mellomrom. Osten skal smelte, men ikkje vere for brun.

kjøtdeig2

Lag ein god salat medan retten står i omnen. I dag brukte eg paprika, agurk, tomat, minihjertekål, ruccola, raud løk, fetaost og marinerte kvitløksbåtar.

kjøtdeig6

Ruccola gir ein herleg, krydra smak til salaten!

Eit lite tips: legg opp salaten på eit stort fat, i ei paiform eller liknande. Av ein eller annan grunn ser salat meir delikat ut når det blir servert “flatt” i staden for i ein bolle!

kjøtdeig3

Alle salatar her i huset inneheld oliven. Ikkje kva som helst slags oliven, men oliven med stein som ligg i olje. Det er treåringen som bestemmer dette! Ho elskar nemleg oliven! Før eg rakk å lage ferdig salaten i dag hadde ho klart å ete mange oliven. Då eg spurte kor mange ho hadde ete sa ho at ho trengte ein oliven til kvar finger! Altså ti oliven!!!

kjøtdeig4

Salaten er eit naturleg følge til denne retten, men kan like gjerne nytast åleine!

kjøtdeig5

Ha ein flott fredagskveld, alle!

torsdag 3. februar 2011

Rennande pizzadeig!

Når ein lagar pizzadeig er det aller meste vanlege at deigen skal vere fast og at den skal knødast ein del. For nokre år sidan fekk eg oppskrift på ei pizzadeig som praktisk talt er rennande. Resultatet er ei deig som er sprø og saftig.

Pizzadeig-225b

Dette treng du:

8,5 dl kveitemjøl

1 pk tørrgjær

1 1/2 ts salt

5-6 dl lunka vatn

Slik gjer du det:

Bland alt det tørre. Slå i alt vatnet og rør godt med ei sleiv. Du vil sjå at deigen er ganske laus og det skal den vere! Dekk med plast og hev i ca 30 minutt. Etter heving slår du deigen i ei bakepapirkledd langpanne. Det kan vere litt vanskeleg å då deigen utover langpanna, men eg brukar ein slikkepott til å jamne deigen utover. Eg brukar sjølvsagt fingrane om det er naudsynt.

Legg over det pizzafyllet du likar best. Strø over godt med ost. Steik nederst i ovnen på 250 grader i 18-20 minutt. Sjekk gjerne etter 15 minutt. Pizzaen skal ikkje vere brent, men den lause og “våte” deigen krev god steiketid.

Denne måten å lage pizzadeig på er svært enkel og resultatet blir alltid vellukka (så sant du steikjer den nok…).

NB! Biletet har eg lånt på aperitif.no.