NB! Work in progress - bloggen endrar seg og veks seg til smått om senn.... Takk for at du tek turen innom!

lørdag 15. januar 2011

Sitronkake med valmuefrø!

Eg hadde visst lovt å leggje ut oppskrift på ei nydeleg god sitronkake, så då lyt eg gjere det!!!

sitron

Dette treng du:

8 ss solsikkeolje

100 g sukker

4 egg

4 ss mjølk

2 ts vaniljesukker

200 g kveitemjøl

1 ts bakepulver

1/2 ts salt

25 g valmuefrø

rive skal av 1 1/2 sitron

melis til glasur + rive skal av sitron

sitronkake

Slik gjer du det:

Rør saman olje, sukker og egg. Tilsett mjølk.

Ha i siktet mjøl, bakepulver, vaniljesukker, salt og valmuefrø.

Vend inn rive skal av sitron.

Hell røra i ei smurt form og steik ved 175 grader,

midt i omnen i ca. 50 minutter.

Sjekk med ei bakenål om kaka er ferdig.

Glasur:

2 1/2 dl melis og ca. 2 ss sitronsaft.

Strø over rive skal av sitron og valmuefrø.

PS! Kaka vert ekstra fin om du steikjer den i ei”gammaldags” form slik at det vert litt mønster på overflata av kaka.

Beklagar den dårlege kvaliteten på biletet av kaka, men eg måtte kopiere eit eg hadde liggande på bloggen. Originalbiletet (og ca 3000 bileter til…) gjekk tapt då maskina fekk øydelagt harddisken etter eit lynnedslag!

Ingen kommentarer:

Legg inn en kommentar