NB! Work in progress - bloggen endrar seg og veks seg til smått om senn.... Takk for at du tek turen innom!

søndag 2. oktober 2011

Enkel iskake med raude og blå bær

I dag ligg Sunnmøre bada i haustsol og sjølv om temperaturane ikkje er like sommarlege som dei har vore i det siste, kan det likevel vere på sin plass med ei iskake i dag.

Denne oppskrifta har eg eigentleg kalla “Torill spesial”, då eg har fått den med ein god kollega som heiter Torill.

Dette treng du:

To pakkar kremfløte

To ss melis

Ein pakke ferdig vaniljekrem

To pakkar pikekyss

Tips: dersom du har eggekvite til overs frå andre bakverk,så kan du enkelt lage marengstoppar (pikekyss) sjølv. Oppskrift på heimelaga marengs finn du her. Er du av den avanserte sorten lagar du sjølvsagt vaniljekremen sjølv! Her er ei enkel oppskrift på det.

Slik gjer du det:

iskake

Bland fløte og melis og pisk mjukt. Pass på så ikkje kremen blir altfor piska.

iskake6

Bland vaniljekremen og knuste pikekyss i kremen. Bland forsiktig.

iskake2

Hell halvparten av blandinga i ei kakeform. Kle den gjerne med bakepapir i botnen.

iskake3

Legg på frossen bær. Mine favorittar er bringebær og blåbær. Hell så over resten av blandinga. Dekke med plastfolie og set kakeforma i frysaren.

iskake4 iskake5

Dette er ei svært takknemleg kake å lage, då den nesten ikkje tek tid og at den er så enkel at ungane kan hjelpe til med å lage den.

Kaka treng om lag 4-6 timar i frysaren før servering. Pynt gjerne med frosne bær og litt marshmellows når du set den på bordet til gjestane!

Ynskjer alle ein fantastisk haustsøndag!

1 kommentar:

  1. Mmm... Detta lät himmelskt gott ut - det ska jag abslolut prova! Tack for att du deler!

    Kram Joy

    SvarSlett